Tag Archive: காதல் கவிதை



அன்பு சார்ந்ததோ
அறிவு சார்ந்ததோ
அல்ல காதல்
அன்பெனும் அறிவை
சமர்ப்பணம் செய்வதே காதல்!

– பாலச்சந்தர்

காதல் வரம்


கவிதைச்  சரம் கோர்த்திருந்தேன்

உன் வார்த்தைக்காக காத்திருந்தேன்

நிலவு தன்னை ரசித்திருந்தேன்

நிலவு உன்னை ரசிக்க காத்திருந்தேன்

புத்தகம் பலவாசித்து இருந்தேன்

நாவல் உன்னை படிக்க காத்திருந்தேன்

வந்தடைந்தாய் வானதியே

வார்த்தைகளை உதிர்த்தாய்

கவிதைகள் பொருள் இழந்தன

முகம் தன்னை காண்பித்தாய்

நிலவு பொலிவு இழந்தது

உன் சந்திப்பை கதை வடித்தால்

புத்தகங்கள் கலை இழக்கும்

இவை அனைத்தும் நடப்பதே வரம்

உன்னை கரம் பிடித்தால்

அதுவல்லவா என் வாழ்க்கைக்கு வரம்!!

– பாலச்சந்தர்

Image


காலக் கணக்கீடோ

நேரத்தின் நினைவுகளோ

அல்ல காதல்

கால நேரம் மறந்து

உன்னை நினைவில்

தவழ்வதே காதல்!

– பாலச்சந்தர் 


பொருள் உடைமையோ,

புகழ் உடைமையோ

அல்ல காதல்.

பொருள் நீ என புகழ்

கொள்வதே காதல்.

– பாலச்சந்தர்

என்னவள் மனம்


எறும்பூற கல்லும் தேயும் 

நதி ஓட நிலமும் கரையும் 
என் அன்பு கூட கூட 
உன் மனம் கல்லாய் மாறும் மாயம் என்னடி!
– பாலச்சந்தர் 

உணர்வு


பாற்கடலும் தேன் ஆனது போல்

ஓர்  உணர்வு

ஆயிரம் களிறு அடக்கியது போல்
ஓர்  நிறைவு
ஐந்தே நிமிடங்களில் இமயம் எட்டிய
ஓர்  கனவு
ஐம்பூதம் என் கையில் சேர்ந்ததை போல்
ஓர்  உணர்வு
என்னவள் விழி வழி சென்று மூளை சலவை செய்ததாய்
ஓர்  நினைவு
இவையாவும் கொடுத்தது ஓர்  உறவு
காதல் உணர்வின் உறவுImage

ஏக்கம்


உள்ளம் சிந்தும்

வார்த்தைகள் கொஞ்சமடி

என் கண்ணீர் துளிகள்
உலகம் நனைக்குமடி
உதிரம் உறைந்து
நெஞ்சம் சலித்து நிற்குதடி
அதரம் அசைத்து
உன் காதல் சொல்லடி
உலகம் என் வசப்படும்
வானத்தை என் கை தொடும்
மொத்தத்தில் என் காதல் உயிர் பெறும்
waiting

தவிப்பு


பூவே உனைகண்ட நொடி
பூஜ்யம் புவியீர்ப்பில்
பூலோகம் உறைந்ததடி
கவிக்குவியல்கள் உன் பின்னே
கடைபோட்டு காத்து கிடக்குமடி
வர்ணித்து வர்ணித்து
வார்த்தைகள் களைக்குமடி