Category: கவிதைகள்



அன்பு சார்ந்ததோ
அறிவு சார்ந்ததோ
அல்ல காதல்
அன்பெனும் அறிவை
சமர்ப்பணம் செய்வதே காதல்!

– பாலச்சந்தர்

Advertisements

காதல் வரம்


கவிதைச்  சரம் கோர்த்திருந்தேன்

உன் வார்த்தைக்காக காத்திருந்தேன்

நிலவு தன்னை ரசித்திருந்தேன்

நிலவு உன்னை ரசிக்க காத்திருந்தேன்

புத்தகம் பலவாசித்து இருந்தேன்

நாவல் உன்னை படிக்க காத்திருந்தேன்

வந்தடைந்தாய் வானதியே

வார்த்தைகளை உதிர்த்தாய்

கவிதைகள் பொருள் இழந்தன

முகம் தன்னை காண்பித்தாய்

நிலவு பொலிவு இழந்தது

உன் சந்திப்பை கதை வடித்தால்

புத்தகங்கள் கலை இழக்கும்

இவை அனைத்தும் நடப்பதே வரம்

உன்னை கரம் பிடித்தால்

அதுவல்லவா என் வாழ்க்கைக்கு வரம்!!

– பாலச்சந்தர்

Image

ஆசிரியர்கள்


சமுதாயத்தை படைத்தவர்கள்

சீர்மிகு கல்வியை கற்றவர்கள்

உச்சரிப்பால் உலகை உருவாக்கியவர்கள்

தன்னலம் அற்ற தலைவர்கள்

கருணையின் உருவங்கள்

கருத்தை கச்சிதமாக எடுத்துரைத்தவர்கள்

கல்வியை எளிமை ஆக்கியவர்கள்

மானுடத்தையும் மரபையும் கற்றுகொடுத்தவர்கள்

தெய்வங்கள், தெய்வத்திற்கு முன் போற்றப்பட்டவர்கள்

அவர்களே எங்கள் “ஆசிரியர்கள்”

ஆசிரியர் தின நல்வாழ்த்துக்கள் !!

– பாலச்சந்தர்


காலக் கணக்கீடோ

நேரத்தின் நினைவுகளோ

அல்ல காதல்

கால நேரம் மறந்து

உன்னை நினைவில்

தவழ்வதே காதல்!

– பாலச்சந்தர் 


பொருள் உடைமையோ,

புகழ் உடைமையோ

அல்ல காதல்.

பொருள் நீ என புகழ்

கொள்வதே காதல்.

– பாலச்சந்தர்

வெளிநாடு


உணர்வுகள் அற்ற மனதோடு

உணர்ச்சிகள் அற்ற
மிருகங்களாக திரிகின்றோம்
உறவுகள் முறித்து இடம் பெயர்ந்தது
காசு பணம் பார்க்க
வெளிநாடு செல்கின்றோம்
கணிணியின் முன் கண்சிமிட்டி
பாச மொழி பேசுகின்றோம்
நாம்  இடம்  பெயர்ந்த நேரம் நம்
சந்ததிகள் தமிழ் மறக்கும்
தாய் தமிழ் மொழி
அதன் சுவடு இழக்கும்  Continue reading

இயற்கை


நாம் சிதைத்த இயற்கை

நம்மை சிதைக்கும் நேரமிது
விழித்தெழு மனிதா விழித்தெழு
சூரியன் உன்னை சுட்டு எரிக்கையில்
இயற்கை குடை –
மரத்தை நினைவில் வை
தேகம் தாகம் எடுக்கையில்
இயற்கை வரம் –
மழை நீர் சேகரிப்பை நெஞ்சில் வை
சந்தோசம் தொலைந்து நிற்கையில்

இயற்கை தோழர்கள் –
பறவைகள், விலங்குகள் மீது பாசம் வை
வாட்டி நீ வதைத்தாலும்

வாழ வச்சி பார்க்குமடா இயற்கை
தெரிந்து கொள்ளடா மனிதா
நீ வாழும் வாழ்க்கை செயற்கை
waiting

நெஞ்சம் நிமிர்ந்து அச்சம் தவிர்த்த

தமிழன் தோல் கிழித்து செல்கையில்
கண்ணீரில் பயணித்திருக்கும்!
நான் தமிழன் உயிர் பறிகின்றேன் என்று
கர்வம் கூட கொண்டிருக்கும்!
உயிர் பறிக்கும் பொது கூட
உதிரம் கொண்டு போத்தி
பாதுகாக்கின்றான் தமிழன்
என்று அறியாத தோட்டா அது.
தமிழ் மண்ணில்
தஞ்சம் புகுந்து இருக்கின்றது
தமிழ் மண்ணின் ஈரம் உணர்கையில்
தமிழன் பாசம் புரிந்து இருக்கும்
அவன் உயிர் குடித்தாலும்
உறங்க இடம் கொடுப்பான் என்று
உணர்ந்து இருக்கும்
நயவஞ்சகன் துப்பாக்கியில் இருந்ததை எண்ணி
வெக்கப்பட்டு சிதைந்து கொண்டு இருக்கும்
தேகம் துளைத்த தோட்டாக்கள்
ஆலயம் தேடி அலைகின்றன

பாவமன்னிப்பு வேண்டி சரண் அடைகின்றன!

ஆசை


தூரிகையில் வண்ணம் பூசி
காற்றில் வரைய ஆசை
கானல்  நீரில்
தாகம் தணிக்க ஆசை
காலை பணியில்
பயிர் வளர்க்க ஆசை
பட்டொளி வீசும் நிலவில்
கால்கள் பதிக்க ஆசை
ஆசைகள் எவையாயினும்
வேடம் கொண்டு வென்றிட ஆசையில்லை
தொலை தூர பயணத்தில் – ஆசைகளை
சீக்கிரம் அடைந்திட ஆசையில்லை
ஆழமாக யோசித்து பார்த்தால்
ஆசை கொள்வது எளிது – அவற்றை
வெல்லுவது எளிதல்ல

வெற்றி-தோல்வி


வெற்றியின் போது

ஆணவம் அழிக்க வேண்டும்

தோல்வியின் போது

தன்னம்பிக்கையை விதைக்க வேண்டும்